انتبهوا شوي شو يعني حكومة مستقلين ؟
هيدا طلب مش جديد ومنو طلب حراك الشارع فقط ؟
هيدا الطلب بلش من كذا شهر طالب فيه جعجع وجنبلاط والسنيورة وكل من يدور بفلك امريكا والسعودية ..
مركز الامة الواحدة - مقالات - بقلم عباس المعلم اعلامي لبناني
شو يعني مستقلين ؟
يعني إلغاء نتائج الانتخابات النيابية وتوازنات هذه النتائج !
يعني سلب الأكثرية النيابية تمثيلها بالحكومة !
والهدف استهداف حزب الله والتيار الوطني الحر وإخراجهم من الحكومة بانقلاب ابيض ..
يعني اخراج الحزب من الحكومة بذريعة تجنب العقوبات الامريكية وتاثيرها على الاقتصاد اللبناني والمساعدات المالية الدولية للحكومة والمساعدات العسكرية للجيش وبأثر على التصنيف المالي للبنان ..
شو يعني مستقلين بتطعيم سياسي بحكومة وحدة يعني حكومة مشابهة لحكومة تمام سلام ٣ عشرات و٣ تمنات او اَي شي بيعمل مثالثة حكومية بين ٨ آذار و١٤ اذا ومجتمع مدني يمثل ١٤ آذار بالسياسة الخارجية ورياض سلامة والمصارف بالسياسة المالية المرتبطة بوازرة الخزانة الامريكية وعقوباتها ..
شو يعني حكومة ما تكون سياسية يعني ممنوع يكون موقفها متل موقف حق الرد على العدوان الصهيوني الاخير على لبنان !
ممنوع الحكي عن النازحين وعودة العلاقة مع سوريا !
يعني الالتزام بكل شي بقولو المجتمع الدولي يعني امريكا وقرارات الجامعة العربية يعني السعودية !
يعني مثلا الالتزام باي شي بيشبه صفقة القرن ..
طيب شي تاني شو يعني إسقاط العهد وليس إسقاط النظام ؟
العهد يعني برأيي جنبلاط جعجع والسنيورة ولقاء البريستول هو حزب الله وميشال عون !
شو يعني النظام براي هؤلاء لي مش لازم يسقط ؟
هو نظام الطائف لبيحمي المحاصصة ومحميات الطوائف وتركيبة مافيا الحرب الأهلية ومحمياتها المالية والسياسية والمناطقية هيدا النظام لبشرع الفساد وبيمنع محاكمة الفاسدين من خلال توازناته الطائفية.
عرفتو شو القصد من المطالبة بحكومة مستقيلين وإسقاط العهد مش إسقاط النظام عرفتوا شو يعني مستقلين مش حكومة سياسية ..
اذا ما اقتنعتوا من كلامي رح تقتنعوا اكيد لما سماحة السيد يقلكن شو خلفية هذه المطالب قريبا ..
ليست هناك تعليقات:
إرسال تعليق